WILLEMSTAD.- Manera EXTRA a informa den su edishon di awe mainta, algun dia atras un agente polisial femenino a keda interoga relashona ku endementu di ofisina di impuesto na kandela.

Manera EXTRA a publiká i informá, e agente a keda INTEROGA i no detené. Kuerpo Polisial ta refutá  e informashon eróneo ku a keda publiká den algun otro korant (No EXTRA) pero tambe riba retnan sosial, ku tabatin detenshon di un polis femenino, den kuadro di e investigashon di sendementu di ofisina di impuesto na kandela algun luna pasá.

Mester indiká si, ku un agente polisial a wòrdu interogá komo testigu den e kaso aki.

Den e kaso aki tin ya algun detenshon ku a keda realisá i no ta ekskluí posibilidat di mas detenshon, ya ku e kaso ta ketu bai den investigashon.

Pero polis ta reiterá ku ningun momentu tabatin detenshon di un agente polisial den e kaso aki.