Kuida Kurpa, un ekspreshon asina usual na nos idioma Papiamentu ku ta wòrdu usá diariamente dor di nos tur na momento ku nos kier ekspresá nos mes ku otro. Sinembargo bo a yega di puntra bo mes, kiko bo kiermen or abo deseá un otro pa Kuida su Kurpa òf kon abo por Kuida bo Kurpa mas mihó?

Programa Kuida Kurpa, ta enfoká riba duna informashon, splikashon I teps riba e diferente áreanan relevante ku nos por Kuida Kurpa pa nos mes, I siña tur esnan rondó di nos pa bira mas konsiente kon nan tambe por kuida nan mes mas mihó.

Den nos promé edishon di Kuida Kurpa di luna Aprel nos a trata e importansia di kuida bo emoshon, I kompartí vários teps kon pa mantené bo emoshon I energia positivo.

Den e último 2 añanan e mundu manera nos tabata konosé a kambia kompleto dor di e impakto di Covid-19. E kambionan aki a afektá nos den tur área di nos bida, tambe riba nos emoshonnan. E eksperensia aki ta afektá nos adultonan, hóbennan, muchanan I hende grandi, humanidat kompleto.

E manera ku  emoshonnan ta wòrdu impakta dor di kambionan grandi, manera Covid -19, por ta:

Sentimentu di miedu, tristesa, I frustrashon

Kambio den apetit, energia, bo gana I interesnan

Difikultat pa konsentrá I tuma desishon

Difikultat pa drumi

Mas tantu gana di huma sigaria I bebe alkohòl.

Tipsnan kon pa manehá bo emoshonnan, i mantené un energia positivo semper:

traha i mantené un struktura i rutina pa tur dia

hasi ehersisio, purba move un tiki tur dia

manehá e kantidat di ora ku bo ta volg òf skucha notisianan di Covid-19

pasa un ratu den naturalesa, sali pafó den airu liber

pone atenshon na e forma kon bo ta hala rosea

komo kolega sea empátiko i un team builder

manehá bo “work life balance”

buska sosten profeshonal ora bo mester

Dia 3 di yüni, Kuida Kurpa lo tei bek den korant Extra ku otro kolumna di Kuida Kurpa.

Pa mas informashon general di Kuida Kurpa, òf pa hasi pregunta, libremente aserka nos via di email kuidakurpa@gmail.com, sigui nos via Instagram kuidakurpa.cw of facebook kuidakurpa.cw

Semper kòrda di Kuida Kurpa!