Nan ta rekuperando satisfaktoriamente

WILLEMSTAD.- Kunuku Aqua Resort ta reakshoná enkuanto insidente ku a tuma lugá djadumingu dia 11 ougùstùs último, kaminda dos menor di edat a hera di hoga.  ‘’Gerensia di Kunuku Aqua Resort ta lamentá e insidente aki ku a pasa dia 11 di ougùstùs último, i a kousa pa un momentu di pániko i sustu pa tur persona ku tabata presente, spesialmente pa e 2 menornan, i nan famia. Nos ta reiterá nos kompromiso di por konta ku personal kapasitá pa atendé ku kualke insidente ku por presentá”. Tabata un personal di e ‘resort’ ku tabata e persona ku a asistí e menornan di edat na momentu ku e insidente a sosodé. Ta danki na su konosementu ku e menornan a wòrdu yuda na tempu i debidamente. Entre tantu gerensia dje “resort” a komprondé ku e menornan ta rekuperando satisfaktoriamente, i  ku e posibilidat ku un (1) por a bai kas for di ayera, miéntras e otro ainda ta den opservashon na CMC.