WILLEMSTAD. - Siman pasá un pareha kurasoleño ta skapa un atentado den nan kontra ora ku un otro pareha ta basha bala riba nan outo. E pareha kurasoleño tabata sintá den un Range Rover último modelo, miéntras e pareha otro tabata den un BMW luho tambe último modelo.

E pareha den e Range Rover ta skapa e atentado, ora ku e hende homber den e Range Rover a saka su arma i kuminsá basha bala riba nan kontrinkante.

E pareha den e Range Rover a keda arestá i a resultá ku e persona hende muhé ta un konosí di polis di inisial R.C. di 45 aña di edat. No tin masha informashon di e homber di 37 aña di edat.

R.C, ta keda sospechá di labamentu di plaka kriminal i a usa e plaka pa kumpra prendanan karu i tambe paga biahenan kada bes pa Kòrsou.

R.C. ta keda sospechá di a kometé e krímen aki entre di 2012 pa 2016 i su kaso a bai dilanti hues den luna di uni tras di lomba.

E kaso a keda tratá den un seshon preliminar i durante e seshon aki partidonan a kumbiní ku lo mester tende vários testigu mas den e kaso kontra di R.C.

Den e kaso di labamentu di plaka aki tin un aresto mas ku a kai ku ta un homber di 40 aña di edat ku ta biba na Zoetermeer.

E abogado di R.C, mr. Von Bóné a bisa ku e no por bisa mashá di e kaso aktual di tiramentu, e investigashon ta den ful swing i no sa kiko ainda ta bai pasa.

Te ainda polis no sa ken ta esnan ku a tira riba e pareha kurasoleño. E loke ku a sali afó ta ku den e BMW tambe tabatin un pareha. No ta konosí si ta hende di Kòrsou òf no.

Ámbos outo a keda ku vários perforashon. A haña e BMW, despues ku e pareha a blòkia un outo den kaya i a hui den esaki.

Polis duna di konosé ku pa motibunan táktiko, nan no por duna mas informashon di loke ku nan a haña den e BMW.

Polis ta investigando e pareha aki intensamente.