WILLEMSTAD.-Un ratu pasá outoridatnan a saka un kurpa sin bida for di bahia di Santa Ana. Ku tur probabilidat ta trata di e hòmber ku polisnan a indiká anteriormente ku el a somentá despues di un pleitu basta formal ku su pareha. Manera EXTRA a informa anteriormente un dama, eks partner di e hòmber aki, lo a hasi vários denunsia kontra di e hòmber pero nunka nada no a bin afó. Djaluna mainta a surgi un situashon basta difísil na ofisina di un dòkter na Montana na momentu ku un hòmber a presentá na e ofisina i saka arma di kandela pa su eks kasá. Mas lat a drenta notisia ku e hòmber lo a bai brùg ku intenshon ménos bon i asta polisnan a topa ku e vehíkulo ku e tabata kore, pero no a haña e hòmber niun kaminda. Un ratu pasá a saka e kurpa sin bida for di awa den haf. Mas detaye den edishon di EXTRA.

https://extra.cw/for-di-2018-dama-ta-hasiendo-denunsia-kontra-di-su-eks-kasa/