WILLEMSTAD – Relashoná ku un kaso di ladronisia di un quad ku a tuma lugá den luna di yanüari 2023 den kurá di un kas den área di Montaña, awe djaluna 2 di òktober 2023, e tim ku ta enkargá ku investigashon di ladronisia di vehíkulo, a realisá un detenshon.
Alrededor di 09.27’or e tim en kestion a bai na un adrès den Blanquillaweg i a hasi detenshon di e hòmber sospechoso N.A.S di 21 aña di edat nasé na Kòrsou.
Relashoná ku e detenshon aki, a konfiská e quad i algun planchi di mariwana.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
