WILLEMSTAD.- Ladronnan a bolbe hòrta dos porta di skol. Ta trata aki di e dos portanan di Maris Stella VSBO na Montaña.

Ya den pasado malechornan a yega di kometé ladronisia na e skol. Ku hopi lucha a logra sera sèn pa asina por pone porta bèk na e skol.

Esaki sigur ta un sla duru. E skol tin sistema di kámara di seguridat i tur kos a keda grabá. Ya a entregá esaki na polis. Ta spera ku mas pronto posibel polisnan atendé e kaso aki. Tur esnan ku a mira algu òf tin kualke informashon, tuma kontakto ku polis na 917 òf e liña anónimo 198.