WILLEMSTAD – Awe mainta gerente di Sabana Ballpark, Chati Constancia mester a tuma nota ku ladronnan a drenta su lugá i kousa un daño inmenso ku lo bai kosta un suma kuantioso di reparashon. E ladron nan lo mester a bin di Kaya Hensley Bam Bam Meulens usando un stul pa bula drenta e parke deportivo aki. A kòrta tur e kabelnan ku ta bai na e mast nan di lus. E ladronnan a kòrta e kabel asina serka di e betòn ku mester bai kibra den betòn pa por las e kabelnan di nobo. Konsekuentemente lusnan no por sende pa aktividatnan deportivo di anochi.  E motor tras di Sabana Ballpark, Chati Constancia sigur desepshoná awe mainta ku e ladronisia aki.