WILLEMSTAD – Tabata den oranan di awe mardugá ku Sentral di polis a risibí notifikashon serka un grupo di seguridat ku tin intento di robo na McDonald’s Saliña. Tantu Securitas komo patruya di polis a yega na e sitio i tuma nota ku un bentana grandi di e restorant tabata totalmente destrosá. Parti paden por a mira un baranka ku e ladronnan lo a usa. E investigashon preliminar no por a indiká si nan a logra di bai ku algu. E investigashon ta kontinuá i lo wak riba kámaranan di seguridat si por determiná algu i tambe kapta e sospechosonan.