WILLEMSTAD.- Nos kier a pidi pa laga turtuganan na pas. E bestianan aki ta animalnan protehá i si nan a subi tera ta pa un motibu. Loke EXTRA kier a ilustrá ku esaki ta un diskushon ku a surgi den wikènt na Daaibooi riba ken a mira e bestia aki promé ku otro i ken tin di hañ’e.

E turtuga a subi tera pa pone webu. Esaki ta algu masha normal ku turtuganan ta hasi. I mester duna nan nan trankilidat i laga nan na pas. No ta pèrdí nan ta, pero ta trankilidat nan mester pa pone webu.

Den e kaso aki mester a buska un lugá pa laga e turtuga bai bek den su habitat. Ku yudansa di Ahmed ku a logra kita e turtuga di mirónes, i huntu ku Stanley Ignacio a laga e animal drenta laman bek na altura di Rif.

Un biaha mas un petishon, turtuganan ta subi e playa ku ta den nan kaminda pa pone nan webu. No bai kas ku ni e webunan ni e turtuga. Pero laga nan na pas.