Meteo a emití kódigo hel

WILLEMSTAD.- Servisio Meteorológiko a emití awe mainta un alerta di kódigo hel. Esaki ta nifiká ku Meteo ta antisipá resake i/òf ku bientu fuerte lo kousa laman brutu na kosta. Tambe lo por tin olanan haltu ku lo kousa daño na boto chikí, si esakinan keda na tera kantu di awa. Lo por tin inundashon di kosta ku lo kousa daño na fasilidatnan na playa.

MEDIDA DI PREKOUSHON:

Ta konsehá usuario di boto chikí pa tene kuidou ora ku bai nabegá den e kondishonnan aki. Debí ku inundashon ta probabel den sierto área kantu di kosta, ta urgi doño di fasilidatnan na kosta pa protehá nan propiedat, kaminda ku esaki ta posibel. Ta konsehá hende ku ta landa pa tene kuidou i no bai leu for di kantu. Meteo ta informá ku e alerta ta konta for di awe djasabra 3’or di atardi te ku djadumingu 30 di sèptèmber 4’or di atardi.