WILLEMSTAD.- Landsloterij ta ranka sali awe ku e di kuater edishon di nos proyekto di fin di aña Hope & Joy.  Na aña 2020 Landsloterij a lansa e proyekto aki ku e meta  pa trese alegria, speransa i gradisí pueblo di Kòrsou pa kere den nos loteria nashonal.  Alabes ke inspirá pueblo pa nan tambe hasi un gesto bunita pa otro durante dianan di fiesta.
Pa duna un èkstra empuhe na esaki, e aña akí Landsloterij ta lansa tambe  ‘Hope & Joy Challenge” ku ta un wega di karta ku grandi i chikí por hunga hasiendo diferente tarea simpel pa otro i asina yuda plama alegria i speransa den temporada di fin di aña.
E invitashon pues ta bai na abo, pa partisipá na ‘Hope and Joy Challenge’ dor di ‘download’ e wega via di wèpsait www.landsloterij.org, sigui e instrukshonnan i kumpli ku e tareanan.
Ban huntu ban plama legria i speransa den fin di aña i kòrda wak nos tim di Landsloterij den kaya pasobra Landsloterij lo t’ei ku diferente sorpresa durante henter e luna di desèmber.
Pa mas informashon tokante di Landsloterij,  E Proyekto “Hope & Joy” i pa print e  ‘Hope & Joy Challenge’; bishitá wèpsait http://www.landsloterij.org/main/hopeandjoy.aspx  òf páginanan di Facebook i Instagram.