WILLEMSTAD.-Un ratu pasá personal di Aqualectra a bai na e stashon di e kompania den área di Saliña, na altura di e supermerkado Best Buy i a sinti holó di gasoil. Nan a bai hasi kontrol mas profundo i a tuma nota ku djis pega einan e supermerkado tin nan área unda nan ta warda gasoil.

Den komunikashon estrecho ku polis i brantwer a disidí na sera e kaya pa asina por hasi e investigashon kompletu. Tur esaki a tuma lugá durante di trabounan di kontrol ku Aqualectra ta hasi riba nan stashonnan. E kompania di utilidat ta hasi trabounan di kontrol i mantenshon na nan stashonnan i ta asina ku a logra detektá e lèkashi di gasoil di e supermerkado den e stashon di Aqualectra. Mas detaye den edishon di EXTRA.