WILLEMSTAD.- E hòmber R.E.H. (Ulanda, 1981) ta rekobrá su libertat awe. Esaki Wes Komisario (RC) a disidí ayera na momentu ku Fiskal di Ministerio Públiko di Kòrsou a presentá H. djamars 28 di ougùstùs 2018 dilanti Wes-komisario pa su ‘gevangenhouding’ ku 60 dia.

H. tabata shofùr di e outo ku a kousa e aksidente 6 di ougùstùs 2018 na Banda’bou ku a resultado den morto di Andre Dieter Hester, un turista di Alemania. Tin e sospechoso fuerte ku na momentu di e aksidente R.H. tabata bou di influensia di alkohòl. H. tabata den aresto preventivo 23 dia pendiente e investigashon tuma lugá.

OM ta splika ku H. ta haña su libertat pendiente pa su kaso bai den Korte. Lo trata su kaso dia 31 di òktober próksimo.

Kondishon estrikto

E sospechoso di e aksidente ku morto a rekobrá su libertat bou di kondishonnan hopi estrikto. Asina H. A risibí ‘huisarrest’, e mester tene kontakto ku Reclassering i mester akudí na FMA. Tambe e sospechoso a risibí un prohibishon pa kore outo i mester a entregá su pasport pa evitá un posibel huida.