WILLEMSTAD – Informashon ku EXTRA a risibí awe mainta ta indiká ku e lider di partido MFK, Pik Pisas lo a sufri un aksidente chikí na su kas awe mardugá i tabatin mester di akudí na hospital CMC pa tratamentu.

MFK a emití e siguiente komunikado: “Awe alrededor di 5or nos lider polítiko Gilmar "Pik' Pisas a kai den kas i kap su kabes. Ambulans a hiba Pik CMC.

Nos ta pendiente di mas informashon despues di e tèstnan ku na e momentunan aki ta tumando lugá.

Asina tin mas informashon nos lo informá komunidat.
Ban tene orashon pa nos lider rekuperá rápidamente.”

Sr. Pisas ku den último elekshon a sali e polítiko ku a haña mas voto. Pisas i su partido ta den negoshashon pa forma un gobièrnu nobo aktualmente.