Willemstad – Minister Kid Martina a hiba un bishita na Sentro di Detenshon i Korekshon Kòrsou (SDKK). Durante e bishita a pone èkstra atenshon riba e suseso kondenabel di siman pasá kaminda tabata tin un tiroteo na entrada di e edifisio. Den korto tempu trabounan di reparashon a keda realisá.
Minister di Hustisia ta desaprobá e aktonan aki totalmente i a duna instrukshon pa mehora seguridat na un manera duradero i evitá ku tipo di susesonan asina por ripiti den futuro. E proseso aki a kana huntu ku sindikatonan ku tin representashon den e instituto. Mas aleu Minister Martina a kombersa ku e tim di maneho tokante resultadonan di “Plan van aanpak SDKK”. Ku e plan total a logra optimalisá e infrastruktura konsiderabel. Konforme e plan stratégiko di maneho 2016-2020, Minister a enfatisá riba resosialisashon ku ta importante i ankrá den e akuerdo di gobernashon. A palabrá kiko ta e kondishonnan pa kumpli kun’e riba seguridat i personanan ku mester wòrdu nombrá pa realisá esaki. E meta ta pa SDKK bira un sentro kaminda hende por kana trayektonan pa siña un fishi, drenta bèk den komunidat i traha pa su mes entrada. Di e forma aki realmente por duna aporte e na resosialisashon.