WILLEMSTAD.- E próksimo gobièrnu, despues ku gabinete Rhuggenaath baha, lo no sinti falta na informashon pa loke ta desaroyonan riba tereno dje pandemia di COVID, esei pa motibu ku den e dianan ku a pasa eksponentenan di e partidonan ku probablemente lo bai dirigí pais a haña un presentashon di e tim di krísis. Esei EXTRA por a komprondé for di deklarashon di Promé Minister di Kòrsou sr. Eugene Rhuggenaath.

El a splika ku algun siman pasá previo na e anunsio dje ‘lockdown’ a tuma lugá un ‘debriefing’ i un presentashon pa lidernan polítiko ku ta formando e gobièrnu nobo. A mustra e disponibilidat pa na kualke momentu ku lo ke mas informashon, ku e tim lo ta dispuesto pa hasi esei, pero tambe riba otro temanan manera e.o. relashon i kòmbersashonnan ku Hulanda, Refineria etc. komo parti di un transishon responsabel ku e lo ke hasi pa e gobièrnu nobo.

Segun Rhuggenaath, di un manera transparente e lo ke duna informashon pa asta nan por duna nan reakshon promé ku e gobièrnu nobo tuma asiento.