Liga Pariba i Liga Pabou den final di kampeonato di Karibe pa Williamsport

WILLEMSTAD.- Loke hopi a deseá a bira realidat ora ku Liga Pariba lo enfrentá Liga Pabou den final di kampeonato di Karibe di beisbòl Little League. Dilanti un gran públiko di ámbos ekipo di Kòrsou a sa di gana nan partido di semi final i awor nan lo ta den e gran final di e  torneo regional aki.

Liga Pariba 4 Aruba 2

Anotando tres kareda den di promé inning, Liga Pariba a sa di gana den un tremendo partido di Aruba. Mester bisa ku ámbos habridó, Jeziel Boekhoudt di Liga Pariba i Zayger Tromp di Aruba a tira un tremendo partido. Tromp a haña un bon relevo di Juan- David Brown i tabata Nathanael Cijntje ku a bin sera tur porta di Aruba pa Liga Pariba. Pa Liga Pariba 4 kareda, 9 hit i 2 eror. Picher ganadó tabata Jeziel Boekhoudt i Johaimry Balentina i Davidson Antonia di 1-1. Pa Aruba 2 kareda, 6 hit i 3 eror. Picher pèrdèdó a resultá Zayger Tromp ku DJean Macares di 1-1.

Liga Pabou 2 Cuba 0

Jurdrick Profar ta tira partido di no hit no run kontra di e kubanonan ponchando 13 bateadó. E ekipo di Liga Pabou a gosa tambe di un honron di Curley Martha. Pa Liga Pabou 2 kareda, 2 hit i 0 eror. Picher ganadó tabata Jurdrick Profar i miho bate tabata Curley martha di 2-1. Pa Cuba 0 kareda, 0 hit i 2 eror. Picher pèrdèdó tabata Felix Yunior i Jimenez Garcia.

Awe lo tin e partido pa di tres òf kuater lugá pa 4 or di atardi ora ku Cuba topa ku Aruba. Pa 7 or di anochi lo tin e klèsh ora ku Liga Pabou enfrentá Liga Pariba.

 

 

Jurdrick Profar kende a tira no hit no run riba Cuba…

 

Gran públiko presente pa wak ámbos ekipo di Kòrsou…

 

 

 

 

Richney Frans ku tremendo toke…

 

 

 

 

Zhaydire Joubert ta konektando e bala

 

SHARE

LEAVE A REPLY