WILLEMSTAD.-  Ofisina Sentral di Statistik  (CBS) ta presentá algun di e promé resultadonan di e Enkuesta di Koyuntura pa luna di yüni 2020. E enkuesta a tuma lugá despues di e lockdown kaminda ekonomia a keda relashoná ku Corona vírus. Konsekuensia di esaki tabata ku aktividat i volúmen di benta di empresanan a baha hopi. Por lo ménos 83% di e empresanan ku a partisipá a indiká ku e lockdown tabatin un impakto negativo riba e volúmen di benta.

Meta di e enkuesta aki ta pa riba un base regular, 2 bes pa aña, duna informashon aktual tokante komersio i parameternan ekonómiko i desaroyonan. Banda di esaki e resultadonan ta duna un bista di e espektativa i opinion di e empresarionan.

E periodo aki tur e empresanan a wòrdu kontaktá di forma online pa yena e enkuesta. Pa e investigashon aki, a enkuestá empresanan chikí, mediano i grandi. Di e empresanan chikí ( tres pa 10 empleado) a saka un grupo a-selekto.

Resultadonan

Presis 30% di e empresanan aserká a duna di konosé di a invertí den e promé mitar di 2020. Esaki ta 13% ménos kompará ku desèmber 2019.
41% di empresanan a duna di konosé ku tabatin opstákulo durante invershon. Esaki ta e porsentahe mas haltu midí (desèmber 2014 e tabata 39%) i 15 punto di porsentahe mas ku desèmber último.

Opinion di empresanan tokante nan konfiansa den ekonomia a baha. E total di empresanan ku a indiká ku e konfiansa ta ménos, a subi di 50 pa 84 porshento.  E parti di empresanan ku a indiká ku nan konfiansa den ekonomia a keda meskos a bira 16 porshento kompará ku 48 porshento na desèmber 2019.

E konfiansa den futuro den e promé mitar di aña 2020 ku a baha. E empresanan a duna di konosé ku konfiansa den futuro kompará ku desèmber 2019 di 51 porshento pa 35 porshento.
E porsentahe di empresanan ku no tin konfiansa den futuro a baha di 22 pa 30 porshento.

Opinion di e empresanan tokante e klima di invershon a baha drástiko kompará ku desèmber 2019. Mas empresa a indiká ku nan ta haña e klima di invershon no positivo, esaki a bira dos bes mas tantu di 34 pa 67%. E parti di empresanan ku ta haña e klima di invershon positivo a baha di 4% pa 1%. Ta bisto ku ménos empresa ta konsiderá e klima di invershon regular. Esaki a baha ku mitar di 62% pa 31%.

Kompará ku desèmber 2019 e porsentahe di volúmen di benta a subi di 57% pa 83%. E porsentahe di empresanan  ku nan volúmen di benta a subi  a baha di 27% pa 10%. Un total di 83% a duna di konosé ku ‘lockdown’ tabatin un impakto negativo riba nan volúmen di benta. Kasi 15% a indiká ku esaki no tabatin influensia i 2% a indiká ku e tabatin influensia (hopi) positivo riba nan volúmen di benta.

E porsentahe di empresanan ku ta spera un resultado positivo a bira 35%. Esaki ta 31 punto di porsentahe ménos ku desèmber 2019. Kasi 66% di e empresanan enkuestá a duna di konosé ku nan ta spera un resultado negativo. (31 punto di porsentahe mas kompará ku 2019). Un subida haltu i un porsentahe haltu ta pensa ku nan lo no saka ganashi

índise di koyuntura basá riba e sifranan di konfiansa den futuro, persepshon di klima di invershon i desaroyo di benta (kambio/mutashon di benta) a bira na luna di yüli 2020 despues di lockdown 30%. Esaki ta 23 punto di porsentahe mas abou kompará ku desèmber 2019.