LOUIE LOUIE

Un felis djabièrnè na tur nos lektornan…

Ayera nochi a tuma lugá na Aruba un programa di tributo i homenahe póstumo na Juan Chabaya Lampe, konosí komo ‘Padu del Caribe…

Ced Ride nos leyenda musikal a partisipá na e evento ku a hiba di título ‘Danki Padu’…

Great pa mira kon un dje grandinan di Kòrsou ta partisipá na e homenahe na Aruba…

Papiando di Aruba, tin henter un diskushon relashoná ku e partisipante di Aruba na Miss Universe…

Ta resultá segun loke mi por a lesa ayera riba retnan sosial ku e damita ta nasé na Colombia i esaki ora ku el a bira konosí a sòru pa diskushon den un grupo riba facebook…

E kansion ‘Sin webu n’ tin fiesta’ produsí pa Kurt Labadie i kantá pa Ataniro tin tur ingrediente di bira un éksito grandi di e duo popular di Aruba…

Bo por imaginá bu na un fiesta di kas anto no tin ‘webu yená’?…

Pa otro siman e organisadónan di ‘Kaya Kaya’ tei duna informashon i tambe rekoré e área di Otrabanda kaminda e di 4 edishon di ‘Kaya Kaya’ tei tuma lugá…

Mi ta tumando nota ku e reakshon pa partisipá na Gran Marcha di Karnaval ta hopi haltu…

Tin algun grupo ku a ‘sold out’ kaba i segun mi kalkulo nos tin chèns i surpasá e kantidat di partisipante pa Gran Marcha den 2020…

Ta despues di basta aña ku nos lo tin chèns di superá e mas o ménos 3500 hende ku anualmente ta partisipá na Gran Marcha…

E kantidat no ta varia, e partisipantenan ta kambia di grupo, pero no ta subi na kantidat, awor si ta parse ku esaki lo bai sosodé den 2020…

Moveshon den medionan di komunikashon ta tumando lugá, den e siman aki nos a tuma nota di dos presentadó ku a move i kambia di medio di komunikashon…

Mi tin entendí ku tin mas ku tei move, awó a bira manera ku bo tin ku konta kabes den bo kurá, pasó e hendenan ke move, pero no ta papia nèt nèt nada!…

Ban duna sosten na Sharon Meyer, nos representante na Miss World 2019 …

Pa Sharon por sigui den e tòp 40 bo por vota pe riba www.missworld.com/#/vote

Ban duna nos sosten na Sharon…

E sertámen di Miss World 2019, su di 69 edishon ta tuma lugá dia 14 di desèmber próksimo na London, Inglatera…

Tanten aki na Kòrsou, tráfiko tabata pegá ayera, pasó tur hende a warda último ora pa nan traha afsprak ku Sanikolas…

Disfrutá di bo wikènt, tin diferente aktividat e wikènt aki kaminda bo por sali i dibertí…

Bai trankil, djaluna nos tei bèk ku otro edishon di ‘Louie Louie’!…

 

SHARE

LEAVE A REPLY