Un felis djabièrnè na tur nos lektornan…

 

Nos a yega otro wikènt…

 

Un siman basta aktivo den farándula…

 

Anunsio di Brian Dekkers ta bai forma parti di ICONS…

 

Piesanan nobo di entre otro Fenty di Boneiru ku MJ – ‘Sosegá’ a keda lansá …

 

I loke no a stòp ta diskushon entre músikonan den sigur 2 diferente banda, ken a i ken no a vakuná…

 

Den e siman aki tambe nos a risibí e notisia ku konosido farandulero di dékada 70 i 80, Hubert Daal a fayesé…

 

Nos ke deseá famianan forsa ku e pèrdida aki…

 

E konsepto musikal ku Brian Dekkers a presentá resientemente riba retnan sosial a kapta atenshon i ‘Louie Louie’ por a komprondé ku tin mas proyektonan musikal di diferente artista ku ta pendiente pa traha riba mesun tipo di produkshon musikal…

 

Tur esaki tanten ku e situashon no ta duna pa artistanan por presentá manera nan tabata hasi esaki normalmente…

 

Grupo di Karnaval ‘E He He’ a tuma e desishon ku nan no ta bai Karnaval 2022 dado kaso esaki tuma lugá…

 

E direktiva a tuma su desishon i for dje reakshon ku nos por a tuma nota di dje, vários ta e miembronan ku a aploudí e desishon…

 

Minister di Kultura tin ku tuma un desishon riba kiko tei sosodé ku Karnaval 2022…

 

For di un fuente nos a komprondé ku te ainda e pensamentu dje Tim di Krísis di Gobièrnu ta ku lo NO tin Karnaval 2022, pero e desishon final ta Gobièrnu lo tin ku tuma esaki…

 

Resientemente nos por a tuma nota ku sigur un dje organisashonnan ku a yega di organisá Karnaval tabatin un reunion orientativo…

 

Djaya banda, AGKK ta ketu, nos a komprondé ku nan mes, riba mandato di gruponan, lo ke organisá Karnaval, pero no tin un desishon definitivo…

 

Un plùs pùnt ta ku tin 2 lider di grupo di Karnaval ku a keda nombrá komo kolaborador di Minister di OWCS, bou di kua Ministerio Kultura ta kai…

 

Nan sigur lo por tin influensia riba e posishon ku e Minister di Kultura lo ke tuma riba Karnaval 2022…

 

Tania Kross djasabra awor na Hulanda lo ta presentando durante dje apertura di ‘Uitmarkt’ na Amsterdam…

 

Lo e ta presentando un parti dje ópera ‘Katibu di Shon’ ku a keda komponé pa Randal Corsen …

 

Esnan ku ke sigui e presentashon por disfrutá di esaki mirando e presentashon via di NPO 2…

 

‘Katibu di Shon’ ta e promé ópera na Papiamentu…

 

Ernst Munneke i Roël Calister lo kompaña Tania Kross durante di su presentashon…

 

Bon shonnan, tabata un plaser pa bolbe produsí otro edishon di ‘Louie Louie’….

 

Disfrutá di bo wikènt, kòrda kuida i te Djaluna ku Dios ke!…

LAGA UN KOMENTARIO

Please enter your comment!
Please enter your name here