LOUIE LOUIE

Un felis djárason pa tur nos lektornan…

Djasabra awor nos ta pendiente pa e selebrashon di e di 24 aniversario di e agrupashon musikal Gio…

 Un dje bandanan ku un trayektoria masha impreshonante den henter Reino Ulandes…

 E lider Gibi Doran, por ta orguyoso di tur loke el a logra…

 Basta interes pa e ‘Love Party’ na kas di Doble…

E fanátikonan dje banda ta kumprando nan karchi, esaki sabiendo ku e chèns grandi ta eksistí ku karchi por kaba i sigur nan lo no ke keda afó…

 Te ainda mi ta skuchando reakshon riba ‘Salsa de los Bravos’…

 Públiko a keda enkantá ku e presentashon di e orkesta di Randal Corsen….

 Ma komprondé ku tin un malkontentu debí na e produkshon di vershon nobo di Himno di Kòrsou…

 Ta parse ku tin algun músiko ku a kaba konservatorio a keda aserká pa revisá e areglo ku a keda usá pa wak si esaki ta kuadra ku e areglo original di nos Himno…

 Segun un persona yegá na e situashon ku nos a papia kuné, tabatin algun kambio i esaki parse a trese indignashon serka músikonan ku tin un apresio enorme pa Errol ‘El Toro’ Colina dfm, ku ta e areglista di Himno di Kòrsou…

 Nos no ta músiko i no tabatin e oportunidat pa bai para ketu pa skucha i nota kaminda lo tabatin kambio…

 Nos ta keda pendiente pa sa e resultado dje investigashon ku ta hasiendo aktualmente…

 Ta di lamentá si dado kaso esaki a sosodé i ta interesante tambe pa sa si bo tin mag di trese kambio den e areglo original di un Himno di un pais…

 E videoclip dje kansion ganadó di ‘Un Kanto pa Kòrsou 2017’, ‘Mi Patria Stimá’ a kuminsá pasa na TeleCuraçao. Un bunita produkshon…

 Awe ta fecha di kumpleaño di Gregory Colina. Masha pabien na e gran músiko awe i ku lo e disfrutá di su dia…

Pabien tambe ta bai pa e kantante Capella Chirino…

 Juni Juliet tambe ta pendiente pa su kumpleaño djaweps awor…

 Basta músiko i personahenan konosí ta di fiesta den e dianan ku ta bini…

 Hendenan di signo Cancer. Bon kurason…

 Djadumingu último e banda di Venezuela ‘Ibiza’ a toka na Madero na Mambo Boulevard…

 Algun hende ku a skucha e banda toka a keda impreshoná pa nan variashon musikal i prinsipalmente pa e echo ku e banda ta toka éksitonan lokal ku fasilidat i e kantantenan ta interpretá e kansionnan na papiamentu…

 Meskos ku Ibiza tin KY-3 ( Calle 3) tambe ku ta usando praktikamente mesun konsepto…

 Bon nos tei move, nos a yega na final di otro edishon di ‘Louie Louie’…

 Djabièrnè nos ta bèk ku otro edishon…

 

 

SHARE

LEAVE A REPLY