Un bon siman pa tur nos lektornan…

 

Kos no ta di kanta masha makamba pa e género di kòmbèk…

 

Tin dos wikènt tras di otro ku fiestanan di kòmbèk no a logra di atraé bon públiko…

 

Di informashon ku ‘Louie Louie’ tin ta indiká ku e promé fiesta no a surpasá 125 hende ku dos banda tokando i djasabra último no a surpasá 200 ku dos banda tokando…

 

Otro siman ta pendiente pa un Gio – Tune den Villa Royal…

 

E fanátikonan di bandanan di Ritmo Kombiná no sa sali kas trempan…

 

Segun mi e orario di kaba pa 12 or di anochi lo ta algu hopi duru pa nan…

 

Gran parti a kustumbrá di sali kas despues di 12 or i un parti ta yega fiesta te hasta despues di 1 or di mardugá…

 

Mi ta premirá ku e promotornan i tambe baidónan di fiesta ta warda te na momentu ku Gobièrnu indiká ku e orario di Toke de Keda ta bira mas lat…

 

E públiko ta sali i dibertí na otro aktividatnan, pero konsientemente ta skohe unda nan ke bai…

 

Great di a tuma nota ku e evento di Dibo D a ‘sold out’ ayera nochi…

 

Dibo ta un di nos super talentonan i e ta tambe sumamente kerí bou dje pueblo…

 

Awe ‘Dushi FM’ 88.9FM ta bai den aire di forma ofisial…

 

Eksito na e tim di Dushi FM…

 

Awe ‘DEN E BEMBE’ ta presentá e buki nobo ku Gregory Colina a produsí i ku próksimamente lo wòrdu presentá…

 

Gregory a traha ku amor riba e produkshon i bo ta nota esaki riba kada detaye ku el a pone atenshon riba dje…

 

Ma komprondé ku e siman aki tambe Gregory Colina i su amigunan ta drenta studio di grabashon pa kuminsá traha riba un proyekto musikal nobo…

 

Wikènt tabata kargá ku sertámennan di beyesa tantu lokal komo internashonal…

 

Nos damitanan a lusi un biaha mas…

 

Awe ta 1e di novèmber 2021, fecha masha spesial pa e hende hòmbernan, awe ta Dia di inosentenan…

 

Músikonan ta pendiente pa wak kiko te próksimo desishon ku Gobièrnu tei tuma pa loke ta orario …

 

E echo ku e kantidat di kasonan den hospital a baha ta pone ku tin un ekspektativa ku lo hasi e orario mas lat i esaki sigur pa fiestanan lo ta un ‘plus punt’…

Empresanan ku ta entregá bibida i tur sobrá empresa ku ta liga direktamente ku bida nokturno na Kòrsou ta sinta warda ansiosamente pa fiestanan por kuminsá, pasó e ora ei e parti aki dje ekonomia ta kue spit …

 

Importante den tur esaki ta ku nos huntu mester sigui traha pa desaroyo di nos pais…

 

Nos mester probechá di kada oportunidat ku presentá pa nos logra un adelanto pa e pais…

 

Un bon siman na tur hende i te djabièrnè ku Dios ke!…

 

 

 

 

LAGA UN KOMENTARIO

Please enter your comment!
Please enter your name here