LOUIE LOUIE

Un felis djárason pa tur nos lektornan…

 Wega di tur strea di beisbòl ayera nochi tabata tremendo…

 Bon presentashon di Jonathan i Kenley ayera…

 Ban pa Farándula…

 Tin basta espektativa pa e presentashon di Bryan Dekkers tantu na Aruba komo Kòrsou…

 Huntu kuné mester indiká tambe ku tin basta interogatorio riba e echo ku Bryan a disidí di bòltu i presentá tòg den farándula mundano…

 Bryan pa hopi ta un ‘role model’ pa hóbennan i su desishon sigur ta algu ku lo e mester splika kiko te motibu ku a pone desviá…

 Pa e promotornan ku a logra esaki sigur e tei bira algu grandi…

 Bryan tin diferente kansion popular ku a logra éksito…

 Espektativa pa e debut di ‘ONE’ tambe ta basta haltu…

 E públiko ta interesá pa mira e presentashon dje banda i skucha kon e banda ta zona…

 Ayera nochi nos por a tuma nota riba facebook ku e banda tabatin ensayo huntu ku nan sekshon di brass…

 Preokupashon kresiente serka músikonan lokal pa e presentashon di banda i òf artistanan di Venezuela na Kòrsou…

 Parse ku tin algun artista ku ta presentando ku segun informashon lo no tin pèrmit i ta kitando trabou di e músikonan lokal, sigur esnan ku ta presentando den restorant i cafe durante di siman…

 E banda di hubentut ‘Hype’ a los un tremendo piesa ku ‘Homework’…

 “Catan” a hasi un tremendo trabou ku e areglo i e mensahe ta ‘Loud & Clear’…

 E obra ‘No Por ku a keda presentá ayera nochi den Teatro Luna Blou a risibí bon komentario di krítikonan ku a bai wak e obra…

 Dos hóben a skibi e obra i un di nan a dirigí e obra ku a keda presentá pa hóbennan…

 Den e mensahe e hóbennan a para ketu na e echo ku tin hopi kos ku ta bayendo robes den nos bida diario i ku mester drecha esaki…

 Otro dje bandanan ku a lansa un kansion nobo ta ‘Extazz’, e banda di Ulanda a produsí ‘Súbeme la Radio’, original di Enrique Iglesias, pero awor den ritmo kombiná

 E ta zona bon, nos ta pendiente pa sigui tende mas di Extazz…

 Na Aruba nan tin un problema serio entre dos banda…

 Ta parse komo sifuera ku kada bes ku esun organisá un evento grandi, e otro tambe ta pone un fiesta riba mesun dia…

 E bringamentu, den sierto sentido aki tin músikonan di un dje bandanan realmente fada…

 I e lokura di Interpark ta den start, Steve i su hendenan a disidí di organisá un ‘Dia Habri’ djadumingu awó pa tur hende bin wak e loke ku e parke ta bai ofresé na dibertishon…

 Djadumingu awor lo bo no por drenta e weganan, pero bo tin chèns di bai wak kiko tin pa dje forma ei dia 18 próksimo ora e parke habri bo sa kon pa move den e parke…

 Bon shonnan tabata un plaser di kompaña boso, djabièrnè nos tei bek ku otro edishon di ‘Louie Louie’…

 

 

 

SHARE

LEAVE A REPLY