WILLEMSTAD.- E djabièrnè aki EXTRA ta lansa e di dos edishon di Mai Jeta den adrei di EXTRA. Mai Jeta den su forma original i úniko ta trese desaroyonan den nos komunidat na atenshon di tur hende. Den adrei di EXTRA Mai Jeta ta trata temanan importante, prèt i asta serio pero na un manera satíriko. Pa esnan ku no a mira ainda nos por rekomendá pa subi wèpsait di EXTRA www.extra-v2.mystagingwebsite.com òf e Facebook page di EXTRA pa tira un bista riba Mai Jeta den adrei. E palabra adrei kasi no ta wòrdu usá mas den papiamentu. Awendia tin palabranan moderno pa áreanan den kas. Antes e sala ta kaminda tin e stulnan nèchi di felpa ku niun hende, i sigur muchanan di kas, no mag pasa ei banda te pa sinta riba nan. Den adrei tabata risibí mayoria bishita i asta sinta kome. Pues ta den e área mas informal ku Mai Jeta ta konta tur loke el a tende i mira. Semper Mai Jeta tin un punta di redu tambe. E djabièrnè aki 8 di yüni, keda pendiente pa e di dos edishon di e programa Mai Jeta den adrei di EXTRA.