WILLEMSTAD.- Outoridatnan mester a bai ayera durante di oranan lat di mainta na Souax despues di a risibí informashon ku lo mester tin algun makaku terorisando abitantenan den e área.

Na yegada di outoridatnan por a komprondé ku e 4 makakunan di un manera òf otro a logra habri e kouchi ku nan tabata aden i a logra sali i asina a kuminsá ataká abitantenan den e área i tambe a kousa hopi destrukshon. Mesora outoridatnan a pidi presensia tambe di Stanley Ignacio huntu ku Hubert Isenia di Parke Tropikal pa wak kon por logra dominá e makakunan. Despues di hopi intento outoridatnan a haña nan ta lòs tiru riba tur 4 makaku ku a resultá fatal pa 2 di nan.

Mas lat dòkter di parke tropikal a pasa e dos otro makakunan angua i laga nan drumi debí ku nan lo no a bai kura despues di e heridanan ku nan a risibí.

Outoridatnan na e sitio a atendé tambe ku doño di e kas for di kaminda e makakunan a logra hui.