WILLEMSTAD.- For di wikènt último por a mira riba wèpsait di Servisio Meteorológiko ku lo por a spera algu di mal tempu e siman aki, pues bos i welek kompañá pa áwaseru.

Ayera mainta trempan Servisio Meteorológiko a saka un atvertensia indikando kiko lo por spera durante dia. Segun oranan ta bai por a mira kon wer a kuminsá sera i mas lat vários parti di Kòrsou a hanja basta áwaseru, bientu fuerte i bos ku welek. Primeramente Servisio Meteorológiko a saka atvertensia di kódigo hel kual despues a bira oraño.

Fotógrafonan di EXTRA a kore rònt Kòrsou i a kapta vários imágen di kamindanan ku sea dak a bula bai, laman tabata fuerte i brutu i tambe personanan ku a baha na awa pa skapa nan botonan. Fotonan ta di Boca Sami, Playa Piskado na Westpunt, Rif, Seri Domi i e wer mahos ku a kubri nos isla.