WILLEMSTAD.- Ayera durante di oranan di mardugá sentral di polis a risibí informashon di un kiebro ku lo mester a tuma lugá na ofisina di PSB Bank ku ta keda riba Roosevelt Center.

Akinan malechornan lo mester a baha for di dak i drenta den e ofisina ku meta pa logra bai ku plaka kèsh òf kosnan di balor pero nan deseo tabata énbano.

E malechornan a penetrá den e  ofisina pa despues kibra e glas dilanti hasiendo uso di un stul pa despues bandoná e sitio.

Outoridatnan ku a presentá na e sitio mesora a kuminsá ku investigashon pa asina wak si por logra pone man riba esun òf esnan responsabel.