Dia di Mama ta un dia grandi, pasobra ta dia di e Ser ku a trese nos na mundu. E ta e persona mas importante den nos bida. No solamente e mama biológiko, pero te hende muhé ku no tin yu i ta hasi trabou di mama.

E dia aki mester selebr’é den Harmonia i Salú. P’esei, Harmonia Tienda di Salú ta invitá tur mama pa bin pa kumpra nan kosnan salú pa nan keda mama nan yòn yòn.

Spesial pa e dia aki tin diferente produkto den Harmonia, entre otro kolageno, kual ta mantené e mama yòn. E ta ‘verjong’ bo sélulanan. E ta bon pa uña, kútis, kabei, pa tur kos. E ta na píldora, líkido i puiru. Tambe tin multivitamina pa e mama ku tin ménos ku 50 aña i riba 50 aña. No tin solamente vitamina, pero tin produkto pe mama ku ta den menopousa, produkto spesial pa wesunan, i yuda nan órganonan interno salú.

Ta importante pa mantené nos salú:

Nos salú ta importante. Kòrda bon ta un bida nos tin i e mester ta spesial. Tin di kuida pa keda na bida. I si tin di kuida, i keda na bida ta na Harmonia bo mester ta.

Un desayuno Salú:

Harmonia Tienda di Salú tin tur produkto pa drecha un desayuno saludabel pa mami. Nan tin pannan sin gluten, krakers, cheps, buskuchi dushi, te, djus, i hasta shampaña sin alkohòl. De todo nan tin. Aparte di esaki e empleadonan di Harmonia ta bon prepará pa konsehá tur  hende kiko ta e mihó produkto pa nan salú.

Un konseho na tur hende, spesialmente  

e mama, pa no warda te ora algu pasa ku e salú pa aserká Harmonia, traha preventivo. Yuda mantené bo kurpa salú, i bon.

Hopi biaha nos ta wak tur kos eksterno, ta wak pa outo ta bon di service, pero nos kurpa, nos ku nos mester di dje, no ta keda di service. Kuminsá service e kurpa for di tempran i no warda te ora ku bira malu e ora ei ta aserka Harmonia. Pasobra e proseso pa bira bon ta bira muchu mas largu. Ora ku prevení, e ora ei ta muchu mas mihó.

Harmonia a establesé for di 10 ougùstùs 1979. Esaki ta nifiká ku otro aña Harmonia Tienda di Salú ta kumpli 40 aña. E promé filial tabata na Orionweg, despues a muda pa Fransia i fi

nalmente a establesé na Profesor Kernkampweg. Na 1987 a habri Harmonia na De Savaan. Profesor Kernkamp ta e filial mas grandi i awor a yega momentu pa bai un edifisio mas grandi, “smart building”. Mirando ku ta den direkshon di selebrashon di 40 aña, nan  meresé di tin algu bon pa ofresé e klientenan. Sèptèmber próksimo, Harmonia Tienda di Salú ta habri ofisialmente den nan edifisio nobo i asina kuminsá kana pa yega na e selebrashon den luna di ougùstùs di 2019.