WILLEMSTAD.- E kaso di e 5 polisnan ku djadumingu a keda detené, ta keda pendiente di prolongashon òf no mayan. Esaki EXTRA a komprondé di bosero di ministerio públiko kende  a indiká ku e kaso ta den investigashon i mayan lo disidí si ta prolongá nan detenshon ku 8 dia mas òf ta laga nan den libertat pendiente nan kaso.

Manera ta konosí na yanüari Kuerpo Polisial a pone riba non aktif 6 polis, esaki relashoná ku un kaso na sèptèmber/òktober aña pasa den Daimarieweg, kaminda e tim aki lo a drenta kas di hende, konfiská kos sin tabatin e outorisashon parse pa hasié.

Djadumingu a yama 5 di e 6 polisnan ei i a detené nan. Dos a bai prison i e otro 3 nan a bai sel na Barber. A kustumber ku despues di 2 dia ta presentá nan dilanti di wes komisario pa determiná si nan por bai liber òf prolongá nan detenshon. Esaki no a tuma lugá ayera pero los sosodé mayan djarason segun EXTRA  a komprondé.