WILLEMSTAD.- Minister Charles Cooper huntu ku Servisio pa Obra Públiko (OW) ta informá ku for di djaluna 21 òktober 2024, a kuminsá ku trabounan di mantenshon di kaya Kolonel C. Winkel. Esaki lo tin un durashon di 2 siman.

E trabou ta konsistí di asfaltá karetera ku ta den mal estado. MNO-Vervat ta enkargá ku ehekushon di e trabou. E trabou lo tuma lugá parti mainta.

Durante ehekushon di e trabounan aki, e kaya lo wòrdu será, pero habitantenan i negoshinan ku ta keda den e área aki por yega nan kas òf establesimentu normalmente. Pa otro outomobilistanan ku sa hasi uzo di e karetera aki, lo tin ruta alternativo ku lo wòrdu guiá pa barí oraño i bòrchinan.

Minister Charles Cooper huntu ku OW ta hasi un apelashon na tur outomobilista pa kore ku koutela.

I entrante djárason 23 di òktober trabounan di mantenshon di kaya ta bai tuma lugá riba Tanosweg i Kadoweg. Esaki lo tin un durashon di 1 siman.

E trabou ta konsistí di asfaltá karetera ku ta den mal estado. MNO-Vervat ta enkargá ku ehekushon di e trabou. E trabou lo tuma lugá parti mainta.

Durante ehekushon di e trabounan aki, e kaya lo wòrdu será, pero habitantenan i negoshinan ku ta keda den e área aki por yega nan kas òf establesimentu normalmente. Pa otro outomobilistanan ku sa hasi uzo di e karetera aki, lo tin ruta alternativo ku lo wòrdu guiá pa barí oraño i bòrchinan.

Minister Charles Cooper huntu ku OW ta hasi un apelashon na tur outomobilista pa kore ku koutela.