WILLEMSTAD.- Koninklijke Marechaussee djamars último a arestá dos militar na Kòrsou den dos diferente kaso. Asina e brigada di Marechausse den Karibe a duna di konosé djárason último. Den e oranan di mainta Marechaussee a arestá un militar di 25 aña. E ta keda sospechá di poseshon di ‘hard drugs’. Ku esaki e lo a kibra Lei di Opio. Marechaussee a kuminsá investigashon na e persona despues ku tres siman pasá a arestá un militar di 28 aña na Kòrsou pa un delito igual.
Tambe riba djamars último tim di kuido di polis militar a arestá un militar di 33 aña. E ta wòrdu di sospechá di maltrato i menasa di un hende muhé.
E dos militar ta keda será pa mas investigashon dor di Koninklijke Marechaussee. E investigashon lo tuma lugá bou di guia di Ministerio Públiko.