WILLEMSTAD.- Nos amigunan di Marie Pampun ta konsiente dje importansia pa protehá bestianan ku ta na peliger. Ayera nan tabata piskando i un turtuga a kome riba un anzue. Ku ayudo di nos amigu di animal, Stanley Ignacio, a logra saka e anzue fo’i su boka pa despues dun’é su libertat den laman. Riba e kombinashon di foto por mira momentunan ku ta tratando di saka e anzue fo’i su boka, i momentu di su liberashon. Bon trabou di tur hende ku tin animalnan na pechu!