WILLEMSTAD.-Tur kos ta kla na marina di Kòrsou pa risibí un helikòpter nobo pa remplasá e aparato ku a kai resientemente pegá ku Aruba i ku a kosta bida di dos funshonario militar. E helikòpter ku a kai tabata un NH90 i a sak’e for di fondo di laman i hib’e bek Oropa pa kaba di hasi investigashon korespondiente.

Ta remplasá e NH90 ku un N110 ku ta sali for di Eindhoven rumbo Kòrsou. E helikòpter ta bini na bordo di un avion Boeing C-17 i pa logra esei a kita e chapaletanan grandi. Pues dentro di poko Kòrsou lo tin un helikòpter nobo nobo pa sigui kumpli ku e tareanan di marina hulandes riba e islanan di eks Antia.