UPDATE

WILLEMSTAD - Djabièrnè 21 di yüni 2019, alrededor di 22.26’or, Sentral di polis a risibí informashon ku tabatin un kaso di tiramentu den Kaya Talco i kaminda un hòmber lo tabata seriamente heridá.

E promé unidat polisial ku a yega na e sitio, a topa un hòmber drumí abou ku algun herida di bala na altura di su kara i no tabata duna señal di bida.

A pidi presensia di ambulans, pero na nan yegada, e personal aki no por a hasi nada mas pa e víktima.

Dòkter di polis ku a presentá na e sitio, a konstatá morto di e hòmber Marlison Mathias Emilio Pieter, nase na Kòrsou dia 20 sèptèmber 1995.

Riba òrdu di fiskal di Ministerio Públiko a konfiská e kurpa sin bida pa mas investigashon.

Investigashon den e kaso aki ta kontinuá.