WILLEMSTAD. - Ayera tabatin apertura ofisial di e obra i di arte, kaminda ku a presentá i alabes kambionan di Plasa Bieu. Mester indiká ku e Plasa Nobo a keda realmente impreshonante ku e arte Mural. E artista Sander van Beusekom a hasi un tremendo trabou artístiko. Sander a splika ku despues di a haña e tarea di trese koló pa medio di arte den e Marshe, el a hasi un investigashon pa e sa kiko e ta bai pone.
Sander a splika ku Marshe a keda konstruí den añanan 70 i el a kuminsá buska tur loke ku e por haña i el a yega na e tremendo idea pa duna homenahe na esnan ku tur dia ta traha duru den marshe i bende nan fruta, berdura i kumindanan. E loke ku mas a impreshoná e artista ta e karanan ku semper tin un sonrisa ariba.