WILLEMSTAD.- Outoridatnan a realisá un detenshon mas relashoná ku e entradanan hudisial i konfiskashon ku a tuma lugá dia 11 di novèmber 2020 na Seru Grandi.

Djaluna den oranan tempran di mainta, polisnan di e Divishon Krímen Organisá a detené e hòmber sospechoso J.M.G. di 20 aña di edat.

E detenshon di e sospechoso a tuma lugá na un adrès den área di Ser’i

Papaya.

Riba dia di e entrada hudisial en kuestion outoridatnan a tene un entrada hudisial maratóniko na dos adrès na Seru Grandi.

Relashoná ku e entrada hudisial aki a detené un hende muhé na un di e adrèsnan e dia ei.

Henter e entrada hudisial aki a tuma lugá ku yudansa di Kuerpo Polisial, DEA i Defensa

konhuntamente ku Warda Kosta, Marina i RST.

Durante investigashon polis a haña i konfiská un kantidat di kos e.o:

Tres arma outomátiko, lachi ku bala skèrpi, dos boto, kuater motor di boto, diferente mata di mariwana, un pistol, un revòlver, un ‘crosser’ i tambe algun kilo di kokaina.

Na e kas a detené e dama, R.O. nasé na Kòrsou di 61 aña di edat, i riba e tereno a detené dos hòmber di nashonalidat venezolano ku no tin e dokumentunan nesesario pa por permanesé riba nos isla.

A presentá e sospechoso detené djaluna último dilanti di un fiskal ouksiliar ku a ordená su enkarselamentu, pendiente di mas investigashon.