WILLEMSTAD.- Ayera djadumingu tabata otro dia kaminda detenidonan por a pasa nan vakuna kontra COVID-19.

Algun detenido a pasa nan di 2 vakuna miéntras ku algun otro a pasa nan promé vakuna. Esaki tabata posibel despues di vários seshon di informashon tras di lomba. E ronda di vakuna aki tambe a kana relativamente trankil.

Ayera mas o ménos 50 detenido a pasa nan vakuna i despues a sinta 15 minüt bou di opservashon di personal di Krus Kòrá Kòrsou. Den e próksimo dianan lo sigui duna informashon na esnan ku ainda falta pa vakuná miéntras ku esnan ku mester bai pasa nan di dos vakuna lo pasa esaki despues di 4 siman.

Inkluyendo e grupo ku a vakuná ayera, awor a yega un total di mas o ménos 300 detenido ku ta vakuná.