WILLEMSTAD.- Pa di dos aña konsekutivo Fundashon ViBa a pone un “smile” riba kara di mas di 300 mucha den Bándabou.

E aña aki atrobe a Fundashon a logra kolekta alrededor di 300 regalo pa muchanan di 0-12 aña. Djadumingu representantenan di e Fundashon a para na Barber kaminda tur mucha por a pasa i tuma nan regalo di forma gratuito. Nos pelotero profeshonal Didi Gregorius tambe tabata presente i personalmente a hasi entrega di e regalonan na e muchanan.

E gesto aki sigur ta unu di aploudí i nos tin sigur ku tur mucha a keda kontentu ku nan regalo.