WILLEMSTAD.-Awe mainta a kuminsá ku e proseso di firmamentu di lista serka e partidonan ku no tin representashon den Parlamento. Entre awe djasabra i mayan djadumingu tur esnan ku ke sostené un lista polítiko por hasi esei na un di e urnanan.

Na e promé briefing, Konseho Supremo Elektoral a informa ku te ku 12’or 3052 persona a bai duna sosten na listanan.

EXTRA a tuma nota ku Elsa Rozendal di Democraat a depositá su voto kaba i meskos Ruthmilda Larmonie-Cecilia di PNP, Miles Mercera di Vishon, Broertje Rojer di PAN i Elvis de Andrade di UP. EXTRA ta sigui riba ruta pa kubri tur desaroyo. Algu ku tambe a hala atenshon ta e echo ku outoridatnan polisial tin man yen pa yuda e organisadónan na urnanan pa kontrolá aglomerashon. Apesar di hopi esfuerso i petishon ta parse ku hendenan ta lubidá riba reglanan relashoná ku Covid-19.