KRALENDIJK--  Entrante próksimo siman, pasaheronan por bula  atrobe ku mas frekuensia entre Kòrsou  i Boneiru i viseversa. Esaki ta bira posibel p’e echo ku Dividivi i tambe EZ-Air lo kuminsá bula seis biaha pa siman. Gezaghebber Edison Rijna a suavisá medidanan relashoná ku Covid.

Mas aleu gezaghebber a splika ku ta bai tin un máksimo di shete vuelo di KLM i tambe TUI pa siman for di Hulanda. Por último, por spera promé vuelonan for di Merka entrante promé di desèmber. Aktualmente Boneiru konosé tres kaso aktivo di Covid, pero por lo general por bisa ku e situashon ta bou di kontròl.