WILLEMSTAD. - Vários outomobilista a aserká redakshon di EXTRA pa ilustrá un situashon ku tin riba Kaminda Saliña. Riba e kaminda aki tin un asera meimei ku ta separá e kayanan for di otro. Kantidat di palu di mata a krese riba e asera aki i ta tapa visibilidat di outomobilistanan. E matanan aki ta mas haltu ku e bòrchinan di tráfiko ku tin na e sitio. Ta hasi un supliká na instansianan konserní pa laga limpia e área mas pronto posibel.