WILLEMSTAD - Mañan, 21 di aprel, solo lo ta pará règt riba Kòrsou durante di mèrdia 12:34'or den e asina yamá zénit. Na e momentu ei radiashon di solo riba nos isla lo ta na su intensidat máksimo di e aña aki. E fenómeno aki ta tuma lugá dos biaha pa aña i e siguiente biaha ku esaki lo sosodé atrobe ta riba 20 di ougùstùs próksimo. Durante e fenómeno aki tambe e sombra di palunan grandi ta mas kòrtiku na Mundu pa motibu di zénit ku solo règt riba nos kabes.

(Foto Wikipedia)