WILLEMSTAD.- Ayera tabata un dia grandi pa Robby Rawat i e famia di Mayas. Despues di a konfrontá i surpasá e difikultatnan di e pandemia di COVID te awor, nan a opta pa hasi un remodelashon kompleto dje interior di e pakus i asina dal e siguiente paso. Robby ta un dje komersiantenan den Punda ku ta sigui kere den nos ekonomia i ta sigui invertí despues di 17 aña di aktividat. Riba e foto aki por mira Robby huntu ku Dibo Doran, un dje bon amigunan i fiel kliente di Mayas den Prinsenstraat. Di parti di EXTRA, tur klase di éksito!