WILLEMSTAD.-Otro luna, esta den yüli Inspekshon di Impuesto mester manda e promé lista ku informashon di entrada di 2020 pa Dienst Uitvoering Onderwijs (DUO). Pa e motibu aki ta importante pa mayornan ku tin yu ta studia aktualmente i tambe eks studiantenan ku tin areglo di pago na DUO pa nan yena i entregá nan formulario di entrada (aangiftebiljet) 2020 ‘online’ pa mas tardá 30 di yüni 2021. Hasiendo esei ta pone ku Inspekshon di Impuesto di Kòrsou por manda informashon di entrada korekto pa DUO.

Pa loke ta trata ‘aanslag’ 2019 ta asina ku a kuminsá prosesá ‘aanslag 2019’ a kuminsá manera plania na fin di mart 2021, pero a stanka debí na entre otro ‘lockdown’ i despues a sigui e mudansa di ofisina di Inspekshon di Impuesto pa WTC. Inspekshon ta informa ku den yüni próksimo lo sigui ku e trabounan di ponementu di ‘aanslag 2019’.