Nan ta apresiá e forma di aserkamentu

WILLEMSTAD. - Manthijs Doornbos un di e profeshonalnan ku tin guia di e hóbennan despues ku nan kaba di konsehá Ministerio Públiko kiko ta e mihó medida pa tuma pa e hóben, a duna di konosé ku ta “Stichting Ambulante Justitiële Jeugdzorg Curaçao” (AJJC) ta responsabel pa e muchanan ku ta kai bou di nan ora ku nan tin banchi.

...Matthijs Doornbos a kana algun tempu ku e banchi na su pia. El a splika ku e por a tuma nota kon tur hende ta keda wak...

Doornbos a splika ku promé ku un hóben bin na remarke pa haña un banchi, nan ta investigá  si e kondishon na kas ta bon, mester wak kon bida di e hóben ta hinká den otro i mester sa si ta skol òf trabou e hóben ta bai.

Pues mester studia tur e aspektonan aki i asina krea un bista kon por ehekutá e supervishon elektróniko.

E sistema nobo aki por kontrolá den sistema unda e hóben ta, si el a yega skol òf si el a yega trabou. Pues mester mira e uso di banchi komo un medio pa e hóben haña su struktura.

Di e forma aki poko poko por saka e hóben for di e mal kaminda ku e bayendo aden.

Doornbos a splika ku mayoria hóben ku drenta na AJJC ku un kara rabiá òf un kara tristu, ora ku nan sali, por  ripará ku e karanan a kambia i nan ta apresiá e forma di aserkamentu.

Pa loke ta trata eksperensia ku doño di trabou òf skol, no tur ora ta bai mesun fásil, pero despues di interkambiá i papia, AJJC ta haña koperashon. Esaki ta nesesario, pa motibu lei di bida ta mustra ku tur hende meresé un di dos chèns, asina kordinadó di e proyekto Supervishon elektrónika Jan de Jonker a duna di konosé.

Pa AJJC, supervishon elektróniko ta un medio pa e hóben no mester keda será pa tempu largu i por kuminsá bai skol bèk.