Mirugia Nowels Wieske tei den Rema Uni for di su nasementu pa 15 aña. El a bai bin diferente bia den e organisashon di representashon di komishonnan di mayor. El a bisa di ta buskando remplasante i esei ta masha difísil. Pa haña mayor den direktiva ta masha difísil i tabatin un temporada di 2011 e ku sra. Denice Bezemer a bisa ku nan traha bai baha pero kada bes ora di elekshon miembronan ke pa nan keda. Na 2012 tantu Mirugia komo sra. Denice Bezemer a baha. Nan a tuma un luf un ratu pa sigur 5 aña pero tòg a sigui duna tras di kortina e yudansa nesesario. Sra. Clementine Arrundell ta esun ku tabata e presidente e temporada ei. Asina tabata duna informashon i guia te ora minister Koeiman komo minister di enseñansa i a pidi Mirugia i sra. Bezemer pa reaktivá e organisashon. Na 2017 Mirugia Nowels Wieske a bin den e organisashon komo presidente te ku awor. Dia 17 di novèmber Rema Uni a kumpli 15 aña.
Kumpli meta…
Segun statuto di e organisashon, nan meta primordial ta pa yuda lanta komishon di mayor na skolnan. Konsientisá eduká, reeduká, informá mayornan. Si parti di e asuntu di komishon di mayor nan no a yega manera mester ta. Kada bes ta yuda lanta, e mes a pasa tur skol na Kòrsou pa yuda lanta komishon di mayor. E kontinuidat sinembargo no tei. E traspaso ora aña eskolar kaba i pa e otro bin, ora kere ku e komishon di mayor ta hasi traspaso, ta resultá ku nan tin di bolbe hasi meskos. Asta e komishon di mayor ku nan yuda lanta, skol ta bisa ku e komishon di mayor no a funshoná. Ora wak bon pa logra e meta di e komishon di mayor, no por bisa ku nan a logr’e den su totalidat. E no ta dependé di Rema Uni so pero tambe di mayor, skol, direktiva di skol i masha importante ta dependé di inspekshon di enseñansa. Si inspekshon no ta kontrolá ku tin un lei di komishon di mayor ku ta bisa spesífikamente ku skolnan di fundeshi ku nan tur mester tin un komishon di mayor i si un skol no ta kumpli pasobra no tin kontrol i sanshon, e ta kuminsá ku furia i kaba na nada. Ora wak bon e ta pasando te awor aki i asta dor di e pandemia ku mayornan no por bai skol i no tin akseso na skol, e situashon di komishon di mayor a bira aun mas grandi. E aña eskolar aki si tin komishon di mayor di funshoná, ta esnan ku taba’tei kaba i tin kontinuidat pero pa yega na nobo ta masha difísil. No tin kontakto direkto awor ku skol, mayornan ta komuniká via mail, WhatsApp ku ta algu nobo pa e mayornan den e normal nobo. Dia tabata personal mes dios sa, awor di leu ta masha difísil. Nan di Rema Uni tin di hasi muchu mas, i bin ku otro kos pa bisa ku ta yega na e mayornan.
Ta laga konflikto pa aserká komishon di mayor…
Na diferente okashon ta mira ku e mayor ta sinti e nesesidat pa un komishon di mayor na momentu ku tin konflikto ku maestro òf kabes di skol. Mirugia a splika ku por mira esei kla kla. Dor di e pandemia tin un tendensia si masha bon. Kasi tur dia mayornan ta tuma kontakto ku nan. Problemanan ku ta surgi pasobra mayornan nos a kiko ta pasando den enseñansa ai tur kos ta via mail i tin bia no tin Internet i e informashon no ta yega serka e mayor. Tin sierto skol ta práktika e Cohort i tin skol no ta praktik’é. Tin diferente faktor ta hunga un ròl. Resientemente un mayor tabatin situashon na skol di su yu, el a purba aserká skol i asta ora el a yama Rema Uni nan a mand’é komuniká ku e komishon di mayor pero e no kier a hasié pasobra e no ta mira nan ta movibel. Ora Mirugia a bis’e ku e lo bai komuniká ku e komishon di mayor i laga e komishon di mayor aserká e mama ei pa pone reunion. E komishon di mayor na su turno en bes di yama e mayor pa reunion, el a bai skol i informá di e problema ku e mayor i einan a surgi un konflikto entre e komishon di mayor i e skol. E mayor no tin konfiansa den e komishon di mayor. E mayor ta bisa ku e no ta interes pa drenta e komishon di mayor. Tambe e por ta di otro banda. Si e mayor ei haña bon sosten di e komishon di mayor e por drenta den e komishon di mayor. Den e kaso spesífiko aki Rema Uni mester a intervení i asta ku e kabes di skol. Ta e tipo di kosnan aki ta tene e mayor leu di komishon di mayor.
No tin traspaso…
Ultimo tempu tin tendensia nobo den komishon di mayor. Mayoria bia nan no ta hasi traspaso i esun ku nan tin mas problema kuné ta e parti finansiero. Porta segun Mirugia e komishon promé no ta hasi su traspaso i no ta laga nada atras tampoko. Esaki ta pone e kabes di skol lomba kant’i muraya i ta yama Rema Uni pa solushoná e problema. I nan ta haña nan pa yama e eks miembronan di komishon di mayor ku tin bia tampoko ta duna resultado. I ora ke kuminsá di nobo, e kabes di skol ta pidi pa guia e komishon di mayor, debí na deskonfiansa.
E problema mas grandi…
E problema mas grandi awor aki den enseñansa den Mirugia ta e pandemia ku tin awor aki. E pandemia a eskalá e problemanan den enseñansa. Esaki pasobra nan niun no a haña instrukshon ku tin un pandemia ta bin pa prepará. Ta bin el a bin i ora wak bon, na momentu di ruedanan di prensa por mira bon kla ku ta purba a purba kon e kosnan ta resultá., Pero den fèlt e no ta resultá. Un ehèmpel ku Mirugia a menshoná ta ku na yüni ora skol a habri, diferente skol a pasa tèst i handsanitizer mester ta na òrdu pero e kosnan ei tabata pa un temporada. E kosnan ei hopi di nan awor aki no tei mas i komo no tei mas ta un problema.
Ya kaba den enseñansa tabatin su retonan i ora e pandemia a yega aki, pa un temporada basta largu a sera skolnan komo a konstatá ku kosnan no tabata na lugá. Ora sera skol tabata bezig pa hasi inventarisashon. E inventarisashon ei te ainda niun hende sa kiko su resultado ta. Ora wak e situashon den enseñansa dor di e pandemia mes, na yüni mayoria mucha a bai otro klas, pero nos muchanan no a yega na e nivel ku nan mester tabata, Ora skol a habri mester a hasi e prueba pa sa kon leu e muchanan ta pa mira kon ta sigui i asta einan no por a evaluá. Te ainda nos ta den e pandemia, tur hende ta ahustá na nan manera pa mira kon ta sobrebibí.
Tempu ta pèrta…
E momentu ei, dianan ta pasa bai i nos ta den desèmber i ora mira e situashon, el a kuminda pèrta. Sra. Nowels a mira algun dia pasá minister a bisa ku no tin fondonan nesesario pa EFO toets. Esei ta otro preokupashon. Aparte di esei tin muchanan na skol avansá ku bèlnan a kuminsá bati, mayornan ta preokupá i meskos den fèlt den enseñansa pa sa kon ta bai para ku eksámennan. E pandemia tabata un reto pa nos pero el a trese hopi kos kuné ku komo enseñansa no tabata bon prepará, tabatin su difikultat, a hasi e situashon aun mas grandi. I ora e problemanan a sali ku no ta enseñansa so pero e problemanan sosial tambe a bin afó. E parti sosial tabat’ei pero el a oumentá. Antes un mucha ta bin skol kisas e no a kome i ta dun’é un pida pan, pero awor aki tin e situashon den komunidat kaminda tata, mamanan a pèrdè trabou i nan tin preokupashon enorme. I pa nan preokupá ku e mucha, nan tin di preokupá kon nan ta haña trabou pa pone pan riba mesa i kumpli ku obligashonnan. Ta diferente faktor ta hunga un ròl i pa no papia mes ku e mucha ku ta den kas ku ta topa ku e situashon ei, e ta haña un komportashon na skol. n skol e maestro tambe tin su problema. Ta kòrda den e maestronan, un ke Cohort i e otro no ke, ta un situashon difísil. Niun hende no sa kiko e desishon ta i kiko e alternativa ta, tur hende ta purba hasi algu,. Pero e purba ku ta purba no ta logrando ya ku miéntras tantu mayornan ta preokupá i víktimanan a kuminsá kai ku ta e muchanan.
Preokupante…
Sra. Nowels a bisa ku awor mas ku nunka e partisipashon i mayor ta masha importante, Si e mayor no ta envolví den enseñansa e no por yuda su yu. E muchanan ta haña diferente lès i no ta e maestro so ta envolví ku e muchanan pero e mayornan tambe. I si e mayor no tin e tempu nesesario pa yuda e yu, si e no tin e parti finansiero pa paga ‘huiswerk begeleiding’, e mucha ei ta destiná pa frakasá, i e gritu aki no ta di Rema Uni so, pero di maestronan, direktivanan di skol kabesnan di skol i asta gobièrnu den e kaso aki a pèrdè e Drive. No ta na mesa ta papia di stakeholder pero e stakeholder importante ta e mayor ku mester ta na mesa. E kos aki a bira asina preokupante ku no sa mas kua direkshon pa kue. A bira awor ku ta trahando di dia pa dia i e úniko pa sali i vosiferá e doló ta e mayornan. Ta e mayornan tin di sali i eksihí pa sa kiko tei pasa ku e muchanan. Tin komishon di mayor, pero di mas di 90 skol, e parti di komishon di mayor ku ta funshoná ta masha chikí. I pa kolmo komo nan no sa nan tarea ta hasi e problema aun mas grandi. I p’esei e kampaña awor di Rema Uni pa haña mayornan forma komishonnan di mayor pa sali na interes di muchanan.
