WILLEMSTAD.- Algun ratu pasa Funshonarionan di MEO huntu ku BAB a bishita Mc Donald su filialnan na St.Rosa ku Saliña i tambe e kantor prinsipal pa un kontròl general.

Na yegada di e tim kompaña pa miembronan di prensa a duna tur hende nèt di kabes pa bisti ya e kontròl por a kana di un forma higiéniko. Durante di kontròl, manager na ámbos filial a duna splikashon amplio den henter e restorant i kaminda ta almasena tur kos. A pasa den e parti di kushina i tambe e vrizernan.

Tur kos na ámbos restorant tabata perfektamente na òrdu.

Úniko kos ku a hala atenshon ta e spesial nobo di Mc Flurry Blueberry Crunch. Ta propaganda esaki pero originalmente e ta bin den un kùp mas chikí. Esaki tin atenshon di parti Mc Donald.

Hefe di Inspekshon Ekonómiko Ronny Cornelis a felisitá representante di Mc Donald ku e manera korekto i higiéniko ku Mc Donald ta operá.