WILLEMSTAD – Maduro & Curiel’s Bank ta informá komo medida di prekoushon i pa sigurá kontinuidat di nos servisionan na kliente, ta informá ku nan filialnan di MCB Colon i MCB Rio Canario ta será entrante djárason 5 di yanüari 2022 te próksimo aviso. Klientenan ku tin sita pa buska tarheta por hasi esaki, segun e orario di nan sita. Tuma nota ku Bankomatikonan na MCB Colon i MCB Rio Canario ta keda disponibel pa lanta i depositá plaka, komo tambe nos servisio di 24/7 Deposit pa komersiante.

“Nos ta sigui enkurashá nos klientenan pa hasi uso di nos servisionan digital manera MCB Online i Mobile Banking, usa tarheta di Bankomatiko pa kompras en bes di kèsh i pa sali kas solamente si esaki ta nesesario.” Pa kualke informashon bankario manda un Whatsapp na (+5999) 466 1111 promé ku bishitá e brènchnan. “Ban sigui protehá nos mes i otronan.”