WILLEMSTAD.-E proseso di limpiesa profundo a kuminsá na e edifisio prinsipal di Maduro & Curiel’s Bank den Punda. E edifisio monumental na Plasa Jojo Correa tambe tin empleado di e banko ku a test positivo, asina gerensia di e banko ta informá. Mesora a informá ku mayan djaweps mes e brench den e edifisio lo ta habrí atrobe pa sigui sirbi e klientenan. Tur kolega den e departamentu kaminda a konstatá e empleado ku a test positivo a bai den karentena.

Manera EXTRA a informá un ratu pasá MCB tin un kolega mas ku a test positivo pa e Covid-19. No ta trata di un empleado di banko ku tin kontakto ku kliente. E informashon a drenta na MCB djamars anochi i komo tal a tuma akshon mesora. Tambe e banko a informá ku e empleado di Punda no tin niun lenk ku e kolega di Rio Canario ku anteriormente a keda infektá.

• 
  

• MCB ta kòrda tur hende pa sigui instrukshonnan di nos profeshonalnan médiko ku ta indiká pa mantené distansia, laba man konstantemente pa asina nos tur yuda kuida.

•